Rain alert: महाराष्ट्रात काहीशी विश्रांती, देशाच्या अनेक भागांत मुसळधार पावसाची शक्यता
भारतीय हवामान विभागाने (IMD) 1 ऑगस्ट रोजी प्रसिद्ध केलेल्या अंदाजानुसार, देशाच्या उत्तर, ईशान्य आणि मध्य भागात पुढील आठ दिवसांत जोरदार ते अतिजोरदार पावसाचा (Rain alert) इशारा देण्यात आला आहे. दुसरीकडे, महाराष्ट्रात मराठवाडा व मध्य महाराष्ट्र या भागांमध्ये तुरळक पावसाची शक्यता असून विदर्भात हलक्या सरी पडण्याची शक्यता वर्तवण्यात आली आहे.
भारतीय हवामान विभागाच्या 1 ऑगस्टच्या बुलेटिननुसार, देशभरात मान्सून सक्रिय असून अनेक राज्यांत अतिवृष्टीचा धोका निर्माण झाला आहे. विशेषतः अरुणाचल प्रदेश, आसाम, मेघालय, बिहार, उत्तराखंड, हिमाचल प्रदेश, पूर्व राजस्थान, उत्तर प्रदेश आणि बंगालच्या डोंगराळ भागांमध्ये 2 ते 6 ऑगस्टदरम्यान अतिवृष्टी होण्याची शक्यता आहे.
पूर्व भारतात आसाम आणि मेघालयात 2 ऑगस्टला काही भागांत अत्यंत मुसळधार पावसाचा इशारा देण्यात आला आहे. त्याचप्रमाणे, बिहार, प.बंगाल, सिक्कीममध्येही ...