Tag: onion export duty

onion export duty: गेल्या आठवड्यात केंद्र सरकारने सप्टेंबर 2022 पासून लागू असलेली तुकडा तांदळाच्या निर्यातीवरील बंदी हटवली. हा निर्णय सकारात्मक असला तरी, कांदा निर्यातीवरील 20 टक्के शुल्क आणि गव्हाच्या साठ्यांवरील निर्बंध त्वरित हटवण्याची गरज आहे. त्यासाठी कांदा पटट्यातील रहिवासी असलेले कृषीमंत्री माणिकराव कोकाटे पुढाकार घेणार का? असा प्रश्न शेतकरी करत आहेत. कांदा आणि गहू उत्पादन मोठ्या प्रमाणात वाढले सध्या देशभरात रब्बी हंगामातील कांद्याचे आणि गव्हाचे उत्पादन जोरात सुरू आहे. कृषी मंत्रालयाच्या अहवालानुसार, यंदा गव्हाची पेरणी 324.9 लाख हेक्टरवर झाली असून, कांद्याची पेरणी 10.3 लाख हेक्टरवर पोहोचली आहे. मागील वर्षी हे प्रमाण अनुक्रमे 318.3 लाख हेक्टर आणि 8.6 लाख हेक्टर होते. विशेषतः कांद्याचे उत्पादन मोठ्या प्रमाणात वाढल्याने बाजारात पुरवठा वाढला असून, त्यामुळे दर मोठ्या प्रमाणावर घसरले आह...