NDCC bank loan: सक्तीच्या कर्जवसुलीने शेतकरी धास्तावले; शेतकरी संघटना ॲक्शन मोडवर
NDCC bank loan issue: नाशिक जिल्ह्यातील सुमारे ५५ हजार शेतकऱ्यांच्या जमिनी जप्तीच्या उंबरठ्यावर असून गेल्या महिनाभरात जिल्ह्या बँकेच्या वतीने सक्तीचे कर्जवसुली सुरू आहे. त्यामुळे शेकडो शेतकऱ्यांच्या सात-बाऱ्यावर आता बँकेचे नाव लागले असून किरकोळ कर्जासाठी अनेक शेतकऱ्यांच्या जमिनी बँकेने लिलावात काढायला सुरूवात केली आहे.
या प्रकाराविरोधात जिल्हयात मागील दीड वर्षांपासून शेतकरी संघटना समन्वय शेतकरी आणि कर्जबाजारी शेतकऱ्यांच्या प्रतिनिधींच्या माध्यमातून धरणे आंदोलन सुरू आहे. दरम्यान नुकतेच नाशिकचे जिल्हाधिकारी जलज शर्मा यांनी जिल्हा बँकेची वसुली करण्यासाठी कृती आराखडा तयार केला असून त्यामुळे पुन्हा हजारो शेतकऱ्यांच्या जमिनी जप्त होण्याची शक्यता आहे.
दुसरीकडे शासन दरबारी कर्जमुक्तीचे प्रकरण न्यायप्रविष्ट असताना घाई घाईने जिल्हा बँकेच्या कर्ज वसुलीच्या ॲक्शन प्लॅनचे आदेश मागे घेण्यात यावे
...
