जीवनशैलीतील बदलाने मधूमेहावर करता येते मात
डायबेटीस किंवा मधुमेहाची तक्रार अलिकडे सामान्य झाली आहे. हा मुख्यत: जीवनशैलीशी निगडीत आजार आहे. लहानथोर, ग्रामीण शहरी, गरीब-श्रीमंत असा कोणालाही तो होऊ शकतो. वेळीच योग्य ती काळजी घेतली तर डायबेटीसवर नियंत्रण मिळवता येते, तसेच जीवनशैलीतील योग्य बदल, जसे की व्यायाम, आहार इत्यादी केले तर मधूमेहाचा धोका टाळता येऊ शकतो. आजच्या या दिवसानिमित्त आपण मधुमेहावर नियंत्रण मिळवण्याबाबत माहिती जाणून घेणार आहोत.
लठ्ठपणामुळे हृदयरोग व मधुमेह हे आजार होतांना दिसून येतात. मधुमेह हा आजार आता अनुवांशिक राहिलेला नसून तो आता पांढरा डायबेटिज म्हणून ओळखला जातो. हा मधुमेह कधीही बरा होत नाही. त्यासाठी योग्य आहार व योग्य व्यायाम ह्या दोघांच्या माध्यमातून त्याचे समतोल राखता येते. भारतीय जीवन शैलीमध्ये जो आहार घेतला जातो त्या आहारात प्रामुख्याने ६०% साखर रोज खाल्ली जाते. म्हणून यासाठी योग्य तो व्यायाम करुन आहाराचा सम...
