हवामानानुसार उन्हाळी पिकांचे असे करा व्यवस्थापन
‘महाराष्ट्रातील शेती ही प्रामुख्याने हवामानावर अवलंबून असलेली शेती म्हणूनच ओळखली जाते. म्हणून पिकाचे चांगले उत्पादन मिळण्यासाठी शेतकऱ्यांनी आपल्या पारंपरिक शेती पद्धतीत हवामानानुसार वेळोवेळी बदल करणे हि काळाची गरज आहे.
अन्न, वस्त्र व निवारा ह्या मानवी जीवनाच्या तीनही गरजा कृषी क्षेत्रातून पूर्ण केल्या जातात. शेतीचे तंत्रज्ञान, शेती करण्याच्या पद्धती, पिके ह्यामध्ये दिवसेंदिवस बदल होत आहेत. औद्योगिक क्षेत्राप्रमाणेच कृषी क्षेत्रातील यांत्रिकीकरणाचाही वापर मोठ्या प्रमाणात होत आहे. आपले कष्ट व त्यास नवीन तंत्रज्ञानाची जोड देऊन अधिक उत्पादन होण्यासाठी शेतकरी सतत प्रयत्नशील असतात. दैनंदिन शेती व्यवसाय करीत असतांना व्यवस्थापन ही महत्त्वपूर्ण बाब आहे. केवळ खूप कष्ट करणे म्हणजे शेती नव्हे, तर त्या कष्टांना योग्य ती दिशा असावी, कमी देखभाल, कमीत कमी खर्चात पाण्याचा काटेकोरपणे वापर करून व कमी खर्चात...
