कृषी पर्यटन सुरू करण्यापूर्वी या शेताला भेट द्या
रायगड जिल्ह्यातील कर्जत तालुका डोंगर-दर्‍याने व्यापलेला आहे. याच तालुक्यात नेरळ रेल्वेस्टेशनजवळ सह्याद्री पर्वत रांगांनी वेढलेले मालेगाव नावाचे एक छोटे खेडे आहे. स्वातंत्र्यपूर्व काळात उदरनिर्वाहासाठी कोकणातून स्थलांतर केलेले भडसावळे कुटुंब याच गावात स्थायिक झाले आहे. स्वातंत्र्य लढ्यात तुरुंगवास भोगलेले कुटुंब अशी या कुटुंबाची ओळख आहे. जेमतेम परिस्थिती असलेल्या कुटुंबातील चंद्रशेखर भडसावळे सत्तरीच्या दशकात अमेरिकेतील लॉस एंजलिस शहरात अन्नप्रक्रियेचा अभ्यासक्रम पूर्ण करण्यासाठी गेले होते. शिक्षण पूर्ण करत असताना भडसावळे तेथेच नोकरी करत होते. भारतीय लोक अमेरिकेत शिक्षणासाठी येतात व येथेच स्थायिक होतात! या आशयाची चेष्टा भडसावळेंच्या एका गोर्‍या मित्राने केली, भारतावर प्रेम असलेल्या भडसावळेंना त्यांच्या मित्राची चेष्टा सहन झाली नाही. भडसावळे लागलीच त्यांच्या मालेगावात परतले. उच्चभ्रू पाश्‍चिम...
