strawberry price: लालचुटूक स्ट्रॉबेरी बाजारात; शेतकऱ्यांना मिळतोय ३५० रुपये भाव

strawberry market price आंबटगोड चवीची आणि वैशिष्ट्यपूर्ण स्वादाची लालचुटूक स्ट्रॉबेरी बाजारात दाखल झाली आहे. मुंबई, नाशिक, पुण्यासह अनेक परिसरात सध्या स्ट्रॉबेरी बाजारात दिसू लागली आहे.

महाबळेश्वर, पाचगणी (strawberry price in Mahabaleshwar) शिवाय वाईजवळही स्ट्रॉबेरीचे उत्पादन घेतले जाते. नाशिक जिल्ह्यात सुरगाणा भागात, तर शेजारील गुजरातच्या सीमेवर असलेल्या सापुतारा परिसरात स्ट्रॉबेरी उत्पादन घेतले जाते. सध्या या फळाची बाजारात किरकोळ विक्री किंमत ७० ते १०० रुपये प्रति पाव किलो अशी आहे.

दरम्यान आज दिनांक २६ डिसेंबर रोजी मुंबईच्या फळबाजारात १५५ क्विंटल स्ट्रॉबेरी आवक (strawberry  price) झाली. कमीत कमी बाजारभाव २० हजार, जास्ती जास्त २५ हजार आणि सरासरी २२ हजार ५०० रुपये मिळत आहे. पुणे बाजारात ४ क्विंटल लोकल वाणाची स्ट्रॉबेरी दाखल झाली असून कमीत कमी १० हजार, जास्तीत जास्त २० हजार आणि सरासरी १५ हजार रुपये प्रति किलो बाजारभाव मिळत आहे.

मागील आठवड्यात मुंबई फळ बाजारात स्ट्रॉबेरीचे दर ३५ हजार रुपये (  सरासरी प्रति क्विंटल असे पोहोचले होते. शनिवार दिनांक २० डिसेंबर रोजी जास्तीत जास्त ४० हजार आणि सरासरी ३५ हजार असा दर होता.