राज्यात 18 ते 22 मार्च दरम्यान काही भागांमध्ये अवकाळी (Rain in Maharashtra) हवामानाचा प्रभाव जाणवण्याची शक्यता आहे. या कालावधीत दोन ते तीन दिवस काही ठिकाणी ढगाळ वातावरणासह किरकोळ पाऊस पडू शकतो. मात्र, पावसापेक्षा विजांचा कडकडाट, वाऱ्याची तीव्रता आणि गडगडाटी वातावरण अधिक जाणवेल.
मध्य महाराष्ट्रातील (Maharashtra weather) खांदेश ते कोल्हापूर, सोलापूरपर्यंतच्या दहा जिल्ह्यांमध्ये 18 ते 20 मार्च दरम्यान तीन दिवस, तर मराठवाड्यातील आठ जिल्ह्यांमध्ये 18 ते 21 मार्च या चार दिवसांत अवकाळी वातावरण राहील. विदर्भातील अकरा जिल्ह्यांमध्ये 21 आणि 22 मार्च या दोन दिवसांत त्याचा प्रभाव जाणवण्याची शक्यता आहे.
मराठवाडा, विदर्भ, जळगाव, दक्षिण अहमदनगर, सातारा, सांगली आणि सोलापूर जिल्ह्यांमध्ये 21 मार्च रोजी वातावरण अधिक तीव्र होण्याची शक्यता आहे.
याच दरम्यान, कोकण वगळता उर्वरित महाराष्ट्रात दुपारच्या कमाल तापमानात 2-3 अंश सेल्सिअसने घट होण्याचा अंदाज वर्तवण्यात आला आहे.
#MaharashtraWeather #UnseasonalRain #WeatherUpdate #RainAlert #Vidarbha #Marathwada #Khandesh #FarmersWeather