घाटमाथ्यावर पावसाचा जोर; पाण्याचा निचरा व खत व्यवस्थापन महत्त्वाचे
इगतपुरी हवामान केंद्राच्या अंदाजानुसार नाशिक जिल्ह्यात पुढील पाच दिवस ढगाळ वातावरण आणि हलक्या ते मध्यम स्वरूपाचा पाऊस होण्याची शक्यता आहे. या पार्श्वभूमीवर भात, नाचणी, वरई आणि खुरासणी पिकांसाठी पुढीलप्रमाणे सल्ला देण्यात आला आहे.
भात पीक व्यवस्थापन:
* ३१ जुलैपर्यंत भाताची पुनर्लागवड पूर्ण करावी.
* रोपे स्थिर होईपर्यंत १–२ से.मी. पाण्याची पातळी राखावी.
* पुनर्लागवडीनंतर ३ दिवसांनी युरिया व डीएपी गोळ्या @ ७० किलो/एकर प्रमाणात द्याव्यात.
* गवत नियंत्रणासाठी साथी (पायराझोसल्फ्युरॉन इथाईल १०%) @ २०० ग्रॅम/हेक्टर ५०० लिटर पाण्यात मिसळून फवारणी करावी.
नाचणी पीक सल्ला:
* २५–३० दिवसांची रोपे वापरून पुनर्लागवड तातडीने पूर्ण करावी.
* पेरणी झालेली नसल्यास गाळी वाफ्यावर पेरणी करावी.
* ५ टन शेणखत आणि ७५% संतुलित खत गोळी स्वरूपात रोप लागवडीवेळी द्यावे.
वरई पीक सल्ला:
* २०–२५ दिवसांची रोपे वापरून पुनर्लागवड करावी.
* बीजप्रक्रियेसाठी थायरम, अझोस्पिरीलम व ट्रायकोडर्मा वापरावा.
* योग्य प्रक्रियेमुळे १०–१५% उत्पन्न वाढ होते.
खुरासणी सल्ला:
* पेरणी तातडीने पूर्ण करावी.
* ८–१० सें.मी. उंचीच्या अवस्थेत अतिरिक्त रोपे काढावीत.
* पेरणीनंतर १५–२० दिवसांनी आंतरमशागत करावी.
* ३० दिवसांनी नत्राचा दुसरा हप्ता @ २० किलो/हेक्टर द्यावा.