kanda bajarbhav: कांदा बाजारभाव वाढता वाढता वाढे; पुढच्या आठवड्यातही वाढणार

kanda bajarbhav today आज सकाळी म्हणजेच शनिवार दिनांक २८ डिसेंबर रोजी लासलगाव बाजारसमितीत कांदा लिलाव सुरू झाले, तेव्हा चांगल्या प्रतीचा कांदा घेऊन आलेल्या शेतकऱ्यांना आनंदाचा धक्का बसला, कारण अनेकांना सकाळी ११ पर्यंत २८०० रुपये प्रति क्विंटल रुपये बाजारभाव त्यांच्या १ नंबर कांद्यासाठी मिळाला.

लासलगावमध्ये कांदा बाजारभाव (kanda bajarbhav) वाढले

कांदा व्यापाऱ्यांनी दिलेल्या माहितीनुसार सकाळी ९ नंतर लिलाव सुरू झाले आणि ११ पर्यंत कांदा बाजारभाव लाल कांद्यासाठी २२०० रुपये ते २८०० रुपये प्रति क्विंटल असा होता. बाजारसमितीकडून मिळालेल्या अधिकृत माहितीनुसार लासलगावच्या विंचूर (Lasalgaon vinchur onion market)  बाजारसमितीत आज लाल कांद्याला सरासरी २३०० रुपये प्रति क्विंटल, तर किमान बाजारभाव १ हजार आणि कमाल २७०० रुपये प्रति क्विंटल असा होता.

पिंपळगाव बसवंतच्या बाजारसमितीत (Pimpalgaon basvant kanda bajarbhav) आज पोळ कांद्याला सरासरी २२०१, तर जास्तीत जास्त २८०० रुपये बाजारभाव मिळाला. पुणे जिल्ह्यातील मोशी बाजारात जास्तीत जास्त ३५०० रुपये आणि सरासरी २२५० रुपये प्रति क्विंटल बाजारभाव मिळाला.

सोमवारी कसे राहतील कांदा बाजारभाव

मागच्या रविवारपासून राज्यातील आणि देशातील आवक घटल्याने बाजारभाव वाढले असे कांदा व्यापाऱ्यांचे म्हणणे आहे. लासलगावच्या व्यापाऱ्यांनी सांगितले की गुजरातमध्ये अपेक्षित असलेल्या सुमारे दोन ते अडीच लाख टन कांद्याची आवक या आठवड्यात झाली नाही, परिणामी देशभरात आवक घटली आणि बाजारभाव वाढले. आठवडाभरात एकूण ५ ते ७ रुपयांनी बाजारभाव वाढल्याचे व्यापाऱ्यांचे म्हणणे आहे. दरम्यान सोमवारीही बाजारभाव टिकून राहतील आणि त्यात वाढ होईल असे व्यापाऱ्यांचे म्हणणे आहे. त्यानंतर हीच स्थिती राहिली, तर कांदा बाजारभाव आणखी वाढतील अशी शक्यता व्यक्त करण्यात येत आहे.

अधिक माहितीसाठी व्हिडिओ पाहा -सौजन्य : पंकज जोशी, ॲग्रो शिवार)

शेतकऱ्यांनी टप्प्याटप्प्याने माल आणावा..

चार पैसे जास्त मिळत आहेत, हे वाचून किंवा बघून शेतकरी एकदम बाजारात कांदा घेऊन विक्रीसाठी गर्दी करतात. परिणामी आवक वाढून भाव पडतात. मात्र शेतकऱ्यांनी आपला कांदा टप्याटप्प्याने बाजारात विक्रीला आणावा, त्यामुळे आवक एकदम फुगणार नाही आणि भावही कोसळणार नाही असे आवाहन कांदा उत्पादकांच्या प्रतिनिधींनी केले आहे.

महाराष्ट्रातील प्रमुख बाजारातील भाव असे आहेत