kanda bajarbhav today: कांदा दराबाबत मोठी बातमी; लासलगावमध्ये कांदा दर स्थिरावले

kanda bajarbhav today in Lasalgaon & Nashik Market मंगळवारच्या तुलनेत बुधवार दिनांक २५ डिसेंबर रोजी लासलगाव बाजारात सकाळच्या सत्रात लाल कांदा बाजारभावात फारशी घसरण पाहायला मिळाली नाही. दर काहीसे टिकून राहिल्याचे दिसून आले. दुसरीकडे येवला बाजारात कालच्या तुलनेत कांदा बाजारभाव वाढल्याचे दिसून आले. एकूण राज्यात आज कालच्या तुलनेत कांदा बाजारभाव स्थिर असल्याचे दिसत आहेत.

मागच्या आठवड्याच्या तुलनेत या  सोमवारी देशभरातील कांदा (Kanda) आवक जवळपास दीड लाख क्विंटलने घसरली आहे. त्यामुळे कांदा दर स्थिर असून काही ठिकाणी वाढतानाही दिसत आहेत.

मागील आठवड्याच्या तुलनेत या आठवड्‌यात सुरूवातीलाच म्हणजेच सोमवारी कांदा बाजारभाव सरासरी २ हजार रुपये इतके घसरले असले, तरी नंतर त्यात मोठी घसरण झाली नाही. आज बुधवार दिनांक २५ डिसेंबर रोजी लासलगाव विंचूर (Lasalgaon vinchur)  बाजारात कांद्याचे बाजारभाव कमीत कमी ८००, जास्तीत जास्त २१५१ आणि सरासरी १८०० रुपये प्रति क्विंटल असे आहेत. कालच्या तुलनेत त्यात फार घसरण झालेली नाही. काल हेच बाजारभाव १८५० रुपये प्रति क्विंटल असे होते.

येवल्यात भाव (kanda bajarbhav) वधारले

दुसरीकडे काल मंगळवारच्या तुलनेत येवला  बाजारातील लाल कांद्याचे बाजारभाव काहीसे वाढलेले दिसून आले. आज दिनांक  २५ डिसेंबर रोजी येवला-अंदरसूल बाजारात लाल कांद्याचे सरासरी बाजारभाव १५५० रुपये प्रति क्विंटल असे आहेत. तर काल याच बाजारात ते सरासरी १४०० रुपये होते.

पिंपळगाव बसवंतला कांदा स्थिर

दरम्यान सध्या पोळ कांद्यासाठी प्रसिद्ध असलेल्या नाशिक जिल्ह्यातील पिंपळगाव बसवंत बाजारसमिततीत आज दिनांक २५ डिसेंबर रोजी पोळ कांदा (pol kanda) बाजारभाव हे १७५० रु. प्रति क्विंटल इतके होते. काल दिनांक २४ रोजी या पिंपळगाव बसवंत बाजारात पोळ कांदयाला हाच म्हणजे सरासरी १७५० रुपये बाजारभाव होता.

दरम्यान पुणे बाजारात आज लोकल कांद्याला सरासरी २४०० रुपये प्रति क्विंटल बाजारभाव मिळाला आहे.

राज्यातील महत्त्वाच्या बाजारातील कांदा बाजारभाव आज असे आहेत.

सौजन्य: महाराष्ट्र राज्य कृषी पणन मंडळ