थकबाकीदार शेतकऱ्यांच्या वतीने १५ ऑगस्ट रोजी येवल्यात भव्य शेतकरी स्वातंत्र्य मेळावा
कसबे सुकेणे येथे शेतकरी संघटनेच्या बैठकीत कर्जमुक्तीसाठीचा लढा तीव्र करण्याचा निर्णय घेण्यात आला. नाशिक जिल्ह्यातील ५६ हजार शेतकऱ्यांच्या थकबाकीमुक्तीसाठी सुरू असलेल्या आंदोलनाला पाठिंबा देताना, शेतकरी समन्वय समितीने १५ ऑगस्ट रोजी येवला येथे भव्य मेळाव्याची घोषणा केली आहे.
“Farmer Protest in Kasbe Sukene Demands Complete ndcc bank Loan Waiver in Nashik District”शेतकरी कर्जमुक्ती हा आमचा श्रमसिद्ध हक्क आहे आणि तो आम्ही मिळवणारच,”* अशी ठाम घोषणा शेतकरी समन्वय समितीचे अध्यक्ष भगवान बोराडे यांनी केली. कसबे सुकेणे (ता. निफाड) येथील बसस्थानकावरील जंगम मंदिरात आज (१ ऑगस्ट २०२५) शेतकरी संघटनेच्या वतीने पार पडलेल्या बैठकीत ते बोलत होते.
या बैठकीच्या अध्यक्षस्थानी शेतकरी संघटनेचे माजी जिल्हाध्यक्ष अशोक अण्णा जाधव होते. उपस्थित मान्यवरांमध्ये ९३८ आदिवासी सहकारी संस्थेचे राज्याध्यक्ष कैलास बोरसे, भाऊसाहेब भंडारे, वसंतराव भंडारे, अशोक भंडारे, जयराम मोरे, बाजीराव भंडारे, राम मोरे, संजय झाल्टे, संजू पाटील बोराडे, मोतीराम पाटील, रामकृष्ण बोंबले, खंडेराव मोगरे, नामदेव पवार, अशोक जाधव, बाळासाहेब मुरकुटे, सुधाकर राजोळे, दिलीप पाटील यांच्यासह मोठ्या प्रमाणावर शेतकरी उपस्थित होते.
नाशिक येथे जिल्हाधिकारी कार्यालयासमोर (सिव्हिल हॉस्पिटलजवळ) गेले ७९१ दिवस शेतकरी कर्जमुक्तीसाठी आंदोलन सुरू आहे. जिल्ह्यातील ५६ हजार थकबाकीदार शेतकरी संपूर्ण कर्जमाफीसाठी संघर्ष करत आहेत. परंतु राज्य शासनाने अद्याप कोणताही निर्णायक निर्णय घेतलेला नाही.
शेतकरी संघटनेच्या मागण्या पुढीलप्रमाणे:
* शेतकऱ्यांची पूर्ण कर्जमुक्ती तात्काळ करावी
* व्याजमाफीसह शिल्लक मुद्दल १० हप्त्यांत वसूल करावे
*नाशिक जिल्हा बँकेच्या खोट्या व्याजदर ठरावाची रद्दबातल करावी
(२%, ४%, ५%, ६% अशा व्याजदराचा ठराव मान्य नसल्याचे स्पष्ट मत)
या मागण्यांसाठी अन्न व नागरी पुरवठा मंत्री छगन भुजबळ यांना सुद्धा निवेदन देण्यात आले होते. मात्र अद्याप ठोस प्रतिसाद न मिळाल्यामुळे आंदोलन आणखी तीव्र करण्याचा निर्णय या बैठकीत घेण्यात आला.
या प्रसंगी लोकमान्य टिळक यांची पुण्यतिथी आणि लोकशाहीर अण्णाभाऊ साठे यांची जयंती साजरी करण्यात आली. अण्णाभाऊ साठे यांच्या प्रतिमेला पुष्पहार अर्पण करून त्यांच्या विचारांना आदरांजली वाहण्यात आली. याच पार्श्वभूमीवर ही बैठक झाली असल्याचे भगवान बोराडे यांनी सांगितले.
येत्या १५ ऑगस्ट रोजी येवला येथे “शेतकरी स्वातंत्र्य मेळावा”आयोजित केला जाणार आहे. या मेळाव्याच्या माध्यमातून राज्य शासनावर दबाव आणण्यात येईल, असेही बोराडे यांनी स्पष्ट केले. बैठकीत राम मोरे, अशोक जाधव, कैलास बोरसे यांनी आपली मनोगते व्यक्त केली.
वारंवार विचारले जाणारे प्रश्न (FAQ):
1. कसबे सुकेणे येथे बैठक का झाली?
नाशिक जिल्ह्यात सुरू असलेल्या कर्जमुक्ती आंदोलनाला बळ देण्यासाठी आणि शेतकऱ्यांच्या भावना व्यक्त करण्यासाठी ही बैठक आयोजित करण्यात आली.
2. आंदोलनाची प्रमुख मागणी काय आहे?
शेतकऱ्यांची संपूर्ण कर्जमाफी, व्याजमाफी आणि मुद्दल हप्त्यांमध्ये भरण्याची सोय ही प्रमुख मागणी आहे.
3. पुढील टप्पा काय आहे?
१५ ऑगस्ट रोजी येवला येथे “शेतकरी स्वातंत्र्य मेळावा” आयोजित केला जाणार आहे.
4. हे आंदोलन किती दिवसांपासून सुरू आहे?
नाशिक जिल्हाधिकारी कार्यालयासमोर हे आंदोलन ७९१ दिवसांपासून सुरू आहे.
5. याआधी कोणत्या मंत्र्यांना निवेदन दिले गेले आहे?
अन्न व नागरी पुरवठा मंत्री छगन भुजबळ यांच्यासह अन्य मंत्र्यांना निवेदन देण्यात आले आहे.