शेती तंत्र

सुरू ऊस सुरू उसाच्या लागवडीकरिता को-८६०३२ (निरा), को-९४०१२ (सावित्री), को. एम. ०२६५ (फुले-२६५) या जातींचे १० ते ११ महिने वाढीचे चांगले जाड, रसरशीत डोळे फुगलेले बेणे निवडावे. सुरू उसाची लागवड कोरड्या पद्धतीने केल्यास चांगली होते. ओली लागवड करावयाची असल्यास दोन डोळ्यांची टिपरी दोन टिपरीमधील अंतर १५-२० सें. मी. ठेवून मांडावीत. नंतर सरीत पाणी सोडून डोळे बाजूला येतील, अशा पद्धतीने पाण्यात दाबावीत. लागवडीपूर्वी प्रतिहेक्टर बेण्यासाठी १०० ग्रॅम बाविस्टीन अधिक ३०० मि. लि. मॅलॅथिऑन अधिक १०० लिटर पाणी या द्रावणात १० मिनिटांसाठी बेणे प्रक्रिया केल्यानंतर १० किलो ऍसिटोबॅक्टर जिवाणू अधिक १०० लिटर पाणी या द्रावणात वरील बेणे ३० मिनिटे बुडवून लागवड करावी. त्यामुळे उसासाठीच्या नत्र खताच्या मात्रेमध्ये ५० टक्के बचत होते. लागवडीच्या वेळी प्रतिहेक्टर २५ किलो नत्र (५४ किलो युरिया) अधिक ६० किलो स्फूरद (३७५ किलो...