यशतंत्र

कर्जासाठी बँकांच्या दारात चकरा मारून झाल्यावर नगर जिल्ह्यातील कुंभेफळ येथील अमर नलावडे यांना जेव्हा अण्णासाहेब पाटील महामंडळाच्या योजनांबद्दल माहिती मिळाली, तेव्हा त्यांचे संपूर्ण आयुष्यच बदलून गेले. जाणून घेऊ त्यांची छोटीशी यशकथा. नगर जिल्ह्यातील कर्जत या तालुक्याच्या गावापासून साधारण ५ किलोमीटर अंतरावर कुंभेफळ हे सुमारे ७०० टे ८०० लोकसंख्येचे छोटेसे गाव आहे. अमर नलावडे हे याच गावचे रहिवासी.  ते कृषी पदवीधर आहेत. बी एस्सी अॅग्री केल्यानंतर त्यांनी पुण्याहून कृषी व्यवस्थापनाचा अभ्यासक्रमही पूर्ण केला. त्यानंतर नोकरी करण्याचे ठरविले, पण बराच काळ त्यांना नोकरी मिळाली नाही. तेव्हा नोकरीच्या पाठीमागे न लागता पुन्हा गावाकडे परतून शेती करण्याचे ठरविले. मात्र शेतीत हवे तसे उत्पन्न येत नव्हते, त्यामुळे शेतीशी संबंधित काही उद्योग करावा असे त्यांनी ठरविले. त्यांच्या गावात कृषी सेवा केंद्र नव्हते....